झटपट पैसे मिळविण्यासाठी "मोह" गुंतवणूकदारांना विश्वासघातकी ठरला, फसवणूक झालेल्या व्यक्तींनी तक्रार देण्यासाठी पुढे यावे : मा.श्री.डॉ.बसवराज शिवपूजे, उपविभागीय पोलिस अधिकारी यांचे गुंतवणूकदारांना आवाहन

 

मा.श्री.डॉ.बसवराज शिवपूजे, उपविभागीय पोलीस अधिकारी, अकलूज, सोबत स.पो.नि. श्री सपांगे नातेपुते पोलीस ठाणे

उपसंपादक : साप्ताहिक बहुजन भूषण वृत्तपत्र

          दिनांक ०३/०१/२०२३ रोजी अकलुज ता.माळशिरस, जि.सोलापूर येथे उपविभागीय अधिकारी साहेब मा.डॉ.बसवराज शिवपूजे यांनी अकलुज येथे पत्रकार परिषद घेवून वेदत्री व्हेंचर एल.एल.पी. कंपनी, नातेपुते यामध्ये नातेपुते व परिसरामधील असंख्य गुंतवणूकदारांनी पैसे गुंतविले आहेत. ज्यांनी कोणामार्फत पैसे गुंतविले गेले आहेत, तसेच कंपनीचे मुख्य संतोष दत्तू गुरव, विजय वसंत क्षीरसागर रा.कोथळे ता.माळशिरस, जि.सोलापूर व सचिन गेनू फुले रा.मोरोची ता.माळशिरस, जि.सोलापूर यांचेकडे पैसे गुंतविलेले आहेत त्यांनी तक्रारीसाठी पुढे यावे. तक्रार असेल तरच कारवाई करता येते. “कायदा म्हणतो तक्रार द्या तरच कारवाई करता येते.” यामुळे जे कोणी पैशाच्या आमिषाला बळी पडलेले असतील त्यांनी न घाबरता कोणाच्याही दबावाखाली न राहता बिनधास्तपणे तक्रार देण्यासाठी पुढे यावे जेणेकरून न्याय मिळेल व गुंतवणूकदारांचा ज्यांनी केलेला विश्वासघात त्यांना धडा शिकवला जाईल. सोलापूर जिल्ह्यातील कोणत्याही गुंतवणूकदारांनी भरमसाठ पैसे मिळतील या भोळ्या अपेक्षेने तुमचा विश्वासघात झाला असेल तर तक्रार देण्यासाठी गुंतवणूक केलेल्या व्यक्तींनी पुढे यावे. तसेच आरोपी सतत मोबाईल बदलत होते, सिमकार्ड बदलत होते असे अवघड आव्हान पोलिस कर्मचारी यांच्यापुढे होते परंतु त्यांनी आरोपीचा शोध लावून औरंगाबाद येथे पकडून मुसक्या आवळल्या.

    सविस्तर माहिती पुढीलप्रमाणे,

          नातेपुते पोलीस ठाणेस गुरनं ३८७ / २०२२ भा.दं.वि.सं.कलम ४०९, ४२०, सह एम.पी.आय.डी. कायदा कलम ३ प्रमाणे गुन्हा दाखल असुन सदर गुन्हयाचा तपास उपविभागीय पोलीस अधिकारी श्री.बसवराज शिवपूजे हे करीत आहेत. सदर गुन्हयातील वेदत्री व्हेंचर एल.एल.पी. नातेपुते या कंपनीने गुंतवणुकदारांना आकर्षीत करुन गुंतवणुकदारांची विश्वासाने मोठया प्रमाणात गुंतवणुक केलेल्या रकमेचा परतावा देतो असे सांगुन फिर्यादी तसेच फिर्यादी प्रमाणे इतर साक्षीदारांचे नोटरी कराराप्रमाणे ठेवींची, गुंतवणुक रक्कमेची परतफेड केली नाही व त्यावरील दिलेल्या आश्वासनाप्रमाणे तसेच नोटरी कराराप्रमाणे काही परतावा, लाभांश देवुन उर्वरित परतावा, लाभांश व गुंतवणुक केलेली ठेवीची रक्कम न देता फिर्यादी व साक्षीदार यांची एकुण ८६,७०,७९८/ रुपयावी कपटपूर्ण रितीने फसवणुक केली आहे. म्हणुन वेदत्री व्हेंचर कंपनीचे मालक १) संतोष दत्तु गुरव, रा. कोथळे, ता. माळशिरस, २) विजय वसंत क्षिरसागर, रा. कोथळे, ता. माळशिरस, ३) सचिन गेनु फुले, रा. मोरोची, ता. माळशिरस यांचे विरुध्द वरील प्रमाणे गुन्हा दाखल आहे.

          सदर गुन्हयाचे तपासादरम्यान यातील आरोपी १) संतोष दत्तु गुरव, रा.कोथळे, ता. माळशिरस, २) विजय वसंत क्षिरसागर, रा.कोथळे, ता. माळशिरस यांचा गुन्हयात सहभाग निष्पन्न झाल्याने त्यांना सदर गुन्हयाचे तपासकामी काल दिनांक ०२/०१/२०२३ रोजी अटक करण्यात आलेली आहे. सदर आरोपींना मा.न्यायाधीश अति जिल्हा व सत्र न्यायालय माळशिरस यांचे समक्ष हजर केले असता त्यांना दिनांक ०७/०१/२०२३ रोजीपर्यंत पोलीस कोठडी देण्यात आलेली आहे.

          यादवारे सोलापुर जिल्हा व इतर जिल्हयातील नागरीकांना आवाहन करण्यात येते की, ज्या नागरीकांनी वेदत्री व्हेंचर एल.एल.पी. नातेपुते कंपनीमध्ये गुंतवणुक केली असेल व ज्यांची फसवणुक झालेली असेल अशा गुंतवणुकदारांनी उपविभागीय पोलीस अधिकारी कार्यालय, अकलुज येथे संपर्क साधावा. तसेच या प्रकारच्याआकर्षक लाभ देणाऱ्या स्किमपासून लोकांनी सावध रहावे. कमी वेळेत जास्त नफा असल्या भुलथापांना बळी पडू नये, असा कोणताही प्रकार चालु असेल तर आपल्या नजीकच्या पोलीस ठाणेस संपर्क साधावा.

          सदरची कारवाई. मा. शिरीष सरदेशपांडे सो, पोलीस अधीक्षक, सोलापुर ग्रामीण, मा.श्री हिंमत जाधव, अपर पोलीस अधीक्षक, सोलापुर ग्रामीण यांचे मार्गदर्शनाखाली व मा.श्री.डॉ.बसवराज शिवपूजे, उपविभागीय पोलीस अधिकारी, अकलूज उपविभाग अकलूज यांचे नेतृत्वाखाली तपास पथकातील स.पो.नि. श्री सपांगे नातेपुते पोलीस ठाणे, पोहेकॉ समाधान देशमुख, पोहेकॉ गणेश निंबाळकर, पोहेकॉ विकी घाडगे, पोना दत्ता खरात, पोना सचिन भोसले, पोकॉ/अजित कडाळे, पोकॉ अन्वर आतार सायबर शाखा यांनी कामगिरी बजावली आहे.

बातमी

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

संस्थापक : बहुजन राष्ट्रशक्ति सामाजिक संघटना महाराष्ट्र राज्य

टीप : जे दिसेल, जे पाहिले तेच लिहिले हेच वृत्तपत्राचे ध्येय उद्दीष्ट आहे.