पदवीधरांच्या न्याय हक्कासाठी माझी उमेदवारी : मा.श्री.अभिमन्यू बी. आठवले

संपादक : बहुजन भूषण वृत्तपत्र 

    पदवी हातात आहे, पण संधी, रोजगार आणि न्यायाचा हक्क मिळतोय का? हा प्रश्न आज महाराष्ट्रातील प्रत्येक पदवीधरांच्या मनात आहे. शिक्षण पूर्ण करूनही बेरोजगारी, अपुऱ्या रोजगाराच्या संधी, स्पर्धा परीक्षातील अनिश्चितता, वाढती महागाई, कंत्राटीकरण, शैक्षणिक कर्जाचा बोजा आणि प्रशासानातील दिरंगाई यामुळे असंख्य पदवीधर अस्वस्थ आहेत. याच प्रश्नांना आवाज देण्यासाठी पुणे विभाग पदवीधर मतदार संघातून माझी उमेदवारी. ही केवळ निवडणूक लढण्याची इच्छा नसुन पदवीधरांच्या न्याय हक्कासाठी लोकशाही मार्गानी लढण्याचा संकल्प आहे. 

    मी पैसा, सत्ता किंवा मोठ्या राजकीय यंत्रनेच्या बळावर उभा राहण्याचा दावा करीत नाही. माझी ताकद आहे सामाजिक बांधिलकी, जनहिताची भूमिका, निर्भीड पत्रकारिता आणि सामान्य माणसाच्या प्रश्नासाठी सातत्याने आवाज उठविण्याचा अनुभव. 

पदवीधरांचा प्रतिनिधी म्हणजे केवळ विधान परिषदेत जाणारा व्यक्ती नव्हे, पदवीधर मतदार संघातील आमदारांनी निवडुन आल्या नंतर मतदारांशी संपर्क तुटता कामा नये, पदवीधरांना वाऱ्यावर सोडता कामा नये, पदवीधरांच्या समस्या ऐकणे, त्याचा पाठपुरावा करणे, शासनाकडून उत्तर मागणे, आणि आवश्यक तेथे विधान परिषदेत प्रश्न उपस्थितीत करणे ही लोकप्रतिनिधीची जबाबदारी आहे. 

माझ्या प्रमुख भूमिखा 

    रोजगार आणि स्वयंरोजगारासाठी ठोस पाठपुरावा करणे, स्पर्धा परीक्षातील पारदर्शकता, पदवीधरांच्या आर्थिक प्रश्नांना आवाज, शिक्षणाचा दर्जा आणि संधी, प्रशासानातील दिरंगाई विरोधी लढा. 

माझी उमेदवारी का?

    मी पदवीधरांना केवळ मतदार म्हणून पाहत नाही, तर परिवर्तनाची शक्ती म्हणून पाहतो. पदवीधर हा समाजातील सुशिक्षित घटक आहे, तो विचारू शकतो, धोरण समजू शकतो, आणि योग्य-अयोग्य याच्या विवेकाने विचार करू शकतो. त्यामुळे पदवीधर मतदार संघातील निवडणूक ही केवळ व्यक्ती निवडण्याची निवडणूक नसुन विचार भूमिखा आणि जनहिताची दिशा निवडण्याची संधी आहे. 

पैसा नव्हे - प्रश्नाची ताकद 

    आज निवडणुकांमध्ये आर्थिक शक्तीचे महत्व वाढले आहे. मात्र लोकशाहीमध्ये शेवटी मतदाराचा विवेक सर्वात मोठी ताकद आहे. माझ्याकडे मोठ्या नेत्यांची फौज नसली तरी सामान्य पदवीधरांचा विश्वास मिळविण्याची इच्छा आहे. माझ्याकडे सतेची ताकद नसली तरी सत्यासाठी उभे राहण्याची तयारी आहे. 

माझा संकल्प 

पुणे विभागातील पदवीधरांच्या प्रश्नासाठी मी उपलब्ध राहीन. 

निवडुन आलो तर विधान परिषद ही केवळ पदाची जागा न राहता पदवीधरांच्या हक्काचा आवाज बुलंद करणारे व्यासपीठ बनविण्याचा माझा प्रयत्न असेल.

पदवीधरांचा प्रश्न असेल तर आवाज माझा असेल, हक्क तुमचा असेल तर पाठपुरावा माझा असेल.

पदवीधरांचा प्रश्न असेल तर पाठपुरावा माझा असेल, ही उमेदवारी कोणत्याही पदाच्या मोहासाठी नव्हे, ही उमेदवारी आहे पदवीधरांच्या न्यायहक्कासाठी. 

माझे आवाहन 

      पदवीधर बंधू भगिनींनो, 

    आपल्या मताची किंमत ओळखा, व्यक्ती पेक्षा विचार पहा. आश्वासन यापेक्षा भूमिका पहा आणि प्रचारापेक्षा काम करण्याची तयारी पहा. पदवीधरांच्या न्यायहक्कासाठी पारदर्शक प्रशासनासाठी, रोजगारांच्या संधीसाठी आणि निर्भीड लोकप्रतिनिधीत्वसाठी माझ्या उमेदवारीला आपला आशीर्वाद आणि पाठिंबा द्या. 

मा.श्री.अभिमन्यू भानुदास आठवले 

पुणे विभाग पदवीधर मतदार संघ उमेदवार

बातमी

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

संस्थापक : बहुजन राष्ट्रशक्ति सामाजिक संघटना महाराष्ट्र राज्य

                       टीप : जे दिसले, जे पाहिले तेच लिहिले हेच वृत्तपत्राचे ध्येय उद्दीष्ट आहे.