ग्रामपंचायत, नगरपरिषद, नगरपालिका, महानगरपालिका, नगरपंचायत, यामध्ये महिला सरपंच, उपसरपंच, सदस्य, महिला नगराध्यक्षा, महिला उपनगराध्यक्षा, महिला नगरसेविका कोमात त्यांचे अनधिकृत पतीदेव जोमात ही शोकांतिका

संपादक: बहुजन भूषण वृत्तपत्र 

जे पाहिले, जे अनुभवले, तेच मांडले आहे. 

आजची परिस्थिती ग्रामपंचायत, नगरपंचायत, नगरपालिका, नगरपरिषद, महानगरपालिका यामध्ये ज्या महिला सरपंच, उपसरपंच, सदस्य, नगराध्यक्षा, उपनगराध्यक्षा, नगरसेविका ज्या निवडुन येऊन पदाधिकारी झाल्या त्या पदाधिकारी महिला वर्गावर त्यांचे पतीदेव, मुलगा, दीर, पुतण्या अन्याय करताना पाहिले आहे. 

महिला पदाधिकारी घरी, त्यांचे पतीदेव, मुलगा, दीर, पुतण्या हेच अनधिकृत महिला वर्गाच्या कामात ढवळा ढवळ, हस्तक्षेप करताना दिसत आहेत ही चीड आणणारी गंभीर बाब आहे. यामुळे महिला अधिकृत वर्ग कोमात असे पाहत आहे. तर त्या महिला वर्गाचे अनधिकृत पतीदेव, पुतण्या, मुलगा हे मात्र जोमात असलेले पाहायला मिळत आहे. ज्या वेळी ग्रामसभा, विशेष सभा, आमसभा किंवा मासिक मिटिंग असेल तर महिला वर्गाचे अनधिकृत पतीदेव, पुतण्या, मुलगा, दीर हेच स्वतःला पदाधिकारी समजतात, हे लक्षण योग्य नाही. 

महिला वर्ग अधिकृत पदाधिकारी यांनीच कामकाज पाहिले पाहिजे. त्यांचे पतीदेव, मुलगा, दीर, पुतण्या यांना कोणताही अधिकार पोहचत नाही. तसेच ग्रामसभा, विशेष सभा, आमसभा असतील तर त्यामध्ये ग्रामस्थ आपली व्यथा, वेदना, म्हणणे मांडत असताना अनधिकृत पतीदेव, दीर, पुतण्या, मुलगा हे ग्रामस्थ यांच्यावर दबाव, दादागिरी, हुकूमशाही करीत असतील तर त्यांच्यावर गुन्हा दाखल करता येतो. 

ग्रामपंचायत मधील महिला वर्ग असतील व त्यांचे कामकाज पतीदेव, पुतण्या, मुलगा, दीर पाहत असेल तर त्यांच्या विरोधात तक्रार गटविकास अधिकारी, पंचायत समितीकडे तसेच मुख्य कार्यकारी अधिकारी, जिल्हा परिषद यांच्याकडे देता येते, त्यामुळे त्या महिला वर्गाचे पद जाऊ शकते. 

नगरपरिषद, नगरपालिका, महानगरपालिका, नगरपंचायत या मधील महिला वर्ग निवडुन येऊन पदाधिकारी झाल्या असतील व त्या घरी व त्यांचे पतीदेव, पुतण्या, मुलगा, दीर त्यांच्या कामकाजात हस्तक्षेप करतील तर त्यांच्या विरोधात जिल्हाधिकारी यांच्याकडे ग्रामस्थ यांना तक्रार दाखल करता येते, त्यांचे पद जाऊ शकते. महिला पदाधिकारी यांना जो अधिकार असतो त्यांच्या पतीदेव, पुतण्या, दीर, मुलगा यांना नसतो हे लक्षात घ्यावे. 

तसेच ग्रामसभा, विशेष सभा, आमसभा किंवा दररोजचे कामकाज असेल तर महिला सरपंच, उपसरपंच, सदस्य, नगराध्यक्षा, उपनगराध्यक्षा, नगरसेविका असतील तर त्या कार्यालयात कामकाज करण्यासाठी, अथवा मिटिंगसाठी हजर असतील तर त्यांच्या पतीदेव, पुतण्या, दीर, मुलगा यांना त्या कार्यालयात बसण्याचा अधिकार नाही, त्यांनी त्या कार्यालयात ग्रामस्थ यांच्या दालनात बसावे.  सध्या अधिकृत महिला कोमात, त्यांचे पतीदेव, मुलगा, पुतण्या, दीर जोमात ही परिस्थिती आहे ही प्रथा ग्रामस्थांनी मोडीत काढली पाहिजे असे वाटते.

जनहितार्थ

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

संस्थापक : बहुजन राष्ट्रशक्ति सामाजिक संघटना महाराष्ट्र राज्य

टीप : जे दिसले, जे पाहिले तेच लिहिले हेच वृत्तपत्राचे ध्येय उद्दीष्ट आहे.