नातेपुते नगरपंचायतचा विकास आराखडा म्हणजे शेती धारक, प्लॉट धारक, व्यापारी यांना उध्वस्त करण्याचा कुटील डाव: मा.श्री.डॉ.अभिमन्यू आठवले

संपादक: बहुजन भूषण वृत्तपत्र 

नातेपुते नगरपंचायतचा जा.क्र.०६/२०२४ दिनांक १०-१०-२०२४ या ठरावाची नक्कल माहिती अधिकारातून मिळवली आहे. त्या ठरावात 1) नगराध्यक्ष सभापती स्थायी समिती, २) उपनगराध्यक्ष सभापती नियोजन व विकास समिती ३) सदस्य सभापती बांधकाम समिती ४) सूचक प्रशासकीय असे असून ठराव सर्वानुमते बहुमताने मंजूर केला गेला. 

तसेच ठराव जा.क्र.०६/२०२४ दिनांक २६-११-२०२४ ठरावाची नक्कल हाती लागली, त्या ठरावात सर्वसाधारण सभा ३०-०८-२०२४, विषय नंबर १७, ठराव क्र.७८३ असा असून १) नगराध्यक्ष सभापती स्थायी समिती २) उपनगराध्यक्ष सभापती नियोजन व विकास समिती सदस्य, ३) सभापती बांधकाम समिती ४) सूचक प्रशासकीय ठराव सर्वानुमते बहुमताने मंजूर ठरावावर मुख्याधिकारी, नगराध्यक्षा यांच्या सह्या असून नगरपंचायतचा शिक्का आहे, असे ठराव संपादक या नात्याने माहिती अधिकारातून मिळवले आहेत. त्यावरती नगराध्यक्षा, उपनगराध्यक्ष, सदस्य, मुख्याधिकारी असा उल्लेख आहे. 

त्यात एक सदस्य की, सर्व सदस्य येतात की नाही असे वाटते. ठराव हा नातेपुते गावाच्या ग्रामस्थांच्या हिताच्यादृष्टीने सर्वांना माहिती देऊन, आमसभा घेऊन, शेती धारक, प्लॉट धारक, ग्रामस्थ यांच्याशी चर्चा केली पाहिजे होती. ग्रामस्थांना अंधारात ठेऊन विकास आराखडा करून शेती धारक, प्लॉट धारक, व्यापारी, ग्रामस्थ यांना उध्वस्त करण्याचा डाव, कटकारस्थान रचून नातेपुते हे गाव स्मशान गाव म्हणून नाव लावायचे आहे कि काय? असा प्रश्न पडतो आहे. 

ठराव करताना सर्व नगरसेवक यांच्या नावासह सह्या असे कायदेशीर समजले जाईल असे वाटते. नगराध्यक्ष, उपनगराध्यक्ष, सदस्य व मुख्याधिकारी हेच सर्वस्वी आहेत कि काय? यामध्ये एक सदस्य की अनेक सदस्य हे मात्र कळणे अवघड जागेचे दुखणे म्हणावे लागेल. नातेपुते नगरी ही शंभु महादेवाची नगरी आहे, येथेच हिशोब चुकता करावा लागतो. नातेपुते ग्रामपंचायतचे रूपांतर नगरपंचायतमध्ये शेती धारक, प्लॉट धारक, व्यापारी, ग्रामस्थ यांना उध्वस्त करण्यासाठीच केले असा संशय, खात्री वाटू लागले. 

यामध्ये शेती धारक, प्लॉट धारक, व्यापारी, ग्रामस्थ या विकास आराखडामुळे बरबाद तर काहींचे जीवन संपणार आहे. यामध्ये काही मिठाचे खड्डे असतील ते नाकारू शकत नाही. नातेपुते नगरपंचायतने केलेला उध्वस्थ आराखडा रद्द केला पाहिजे. सर्व नगरसेवक यांनी हा विकास आराखडा रद्द करण्यासाठी मानसिकता ठेवली पाहिजे. तसेच सर्व शेती धारक, प्लॉट धारक, व्यापारी, ग्रामस्थ यांनी लढा उभा करण्यासाठी सज्ज राहिले पाहिजे. 

तसेच नातेपुते विकास आराखडा रद्द होण्यासाठी शिवसेना नेते तसेच दाते प्रशाला विश्वस्त मा.श्री.राजकुमार हिवरकर-पाटील हे झटत आहेत. हा नातेपुते नगरपंचायतने विकासभिमुक ठराव करताना उध्वस्थ हेच स्वप्न सर्व नगरसेवक यांनी बाळगले होते कि काय? नातेपुते हे गाव या विकास आराखडामुळे चिंतेत आहे, कोमात गेले आहे मात्र सर्व नगरसेवक शांत आहेत, आनंदी आहेत असे चित्र आहे, कारण निकृष्ठ दर्जाची कामे करून शासकीय निधी हडप केलेला दिसतोय, तर काही नगरसेवक यांच्या घरापर्यंत रस्ते या विकास निधीतून केलेले मी संपादक म्हणून पाहत आहे. त्यामुळे काही नगरसेवक बोलु शकत नाहीत असेही चित्र आहे. 

सर्व शेती धारक, प्लॉट धारक, व्यापारी, ग्रामस्थ यांनी एकत्र येणे काळाची गरज आहे इतकेच...!

जनहितार्थ

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

संस्थापक : बहुजन राष्ट्रशक्ति सामाजिक संघटना महाराष्ट्र राज्य

टीप : जे दिसले, जे पाहिले तेच लिहिले हेच वृत्तपत्राचे ध्येय उद्दीष्ट आहे.