मा. शरद पवार साहेब हे देशासाठी व महाराष्ट्रातील जनतेसाठी वरदान आहेत त्यांचा आदर केला गेला पाहिजे

संपादक

          मा. श्री. शरद पवार साहेब यांच्यावरती भाजपचे विधान परिषदेचे आमदार गोपीचंद पडळकर यांनी जे पवार साहेबांना कोरोना या रोगाची उपमा दिली आहे ती चीड आणणारी आहे, ती वेदनादायी आहे. पवार साहेब कोरोना आहेत असे म्हणणे तुमचे असेल तर याची लागण झाली तर आयुष्यभर क्वारंटाईन व्हावे लागेल आणि जगातील कोणतेही शास्त्रज्ञ  व डॉक्टर यांचा इलाज चालणार नाही हे पडळकरांनी लक्षात घेतले पाहिजे. पवार साहेब या भारत मातेचे सुपुत्र आहेत त्यांचा सल्ला, मार्गदर्शन असंख्य नेते घेत आहेत. पवार साहेब मातेचे सोने करणारे आहेत. त्यांच्याबद्दल अशा प्रकारचे बोलून प्रसिद्धी मिळावी या हेतूने बोलणे महागात पडेल. पवार साहेब हे देशातील जनतेच्या हिताचे निर्णय घेणारे कल्याणकारी नेते आहेत. त्यांच्यावर उपमा म्हणजे तमाम देशातील जनतेवरील उपमा हे पडळकरांनी लक्षात घ्यावे. स्वत:चे सामाजिक काम काय आहे हे तपासून पहावे. सध्याच्या काळात कोरोना या रोगाने जग घायाळ केले आहे मग पवार साहेबांना कोरोना या रोगाची उपमा देऊन काय साध्य झाले? तुम्हालाही घायाळ केल्याशिवाय सोडणार नाही. पवार साहेबांचा सामाजिक, राजकीय प्रवास एवढा मोठा आहे की त्यांची कामगिरी मोजण्याचा टेप अजून निघाला नाही. त्यांचा नकाशा बनू शकतो एवढी महान कामगिरी आहे. पवार साहेबांना कोरोना म्हणून हिनवून  पडळकरांनी चूक केली आहे. आमदार झाला म्हणून जग जिंकले असे होत नाही. पडळकरांचे काम म्हणजे बारामती येथून अजितदादा पवार साहेब यांच्या विरोधात निवडणूक लढविली व डीपोझिट जप्त झाले या पलिकेड काय आहे? वंचित बहुजन आघाडीला ही राम राम केला. पडळकर बहुजणांचे नेते होऊच शकत नाहीत हे लक्षात घ्यावे. पवार साहेबांना कोरोना म्हणून हिणवले आहे म्हणून ते लहान होत नाहीत ते श्रेष्ट ठरत आहेत परंतु ज्यांनी हिणवले त्यांचे भविष्य यापुढे कसे असेल हा येणारा काळच सांगेल. प्रत्येकांनी शब्द हा जपून वापरला पाहिजे नाहीतर भडका आणि जाळ होणारच त्याची उष्णता हैराण करणारच. पवार साहेब हे देशासाठी व देशातील जनतेसाठी वरदान आहेत. पवार साहेब असे शास्त्रज्ञ आहेत की त्यांचा अजून कोणाला अंदाज आला नाही. त्यांच्यावरती खालच्या पातळीत येऊन जी उपमा पडळकरांनी दिली ती योग्य नाही ती निंदनीय आहे. पडळकर तुमचा सात बारा उतारा साहेबांकडे आहे. प्रसिद्धीसाठी उपमा उपयोगाची नाही हे लक्षात घ्यावे. तुम्हाला आमदारकी मिळाली हे नसीब समजून वागावे. थोरामोठ्यांचे काम काय आहे याचा अभ्यास करून बोलावे. पवार साहेबांपुढे तेल लावलेल्या पहिलवानांचे काहीही चालत नाही. पडळकर तुम्ही स्वत:कडे बघा आमदारकीच्या तोर्‍यात राहू नका. आमदारकी आज आहे उद्या नाही हे लक्षात घेऊन बोला म्हणजे झाले. आमदारकी आली म्हणजे छाती फुगते पन आमदारकी गेल्यानंतर छाती आत जाते हे ही  असंख्य आमदार पाहिले आहेत. पवार साहेबांचा आदर करायला शिका हीच अपेक्षा.

जनहितार्थ

अधिक जाहिरातीसाठी संपर्क

संपादक : मा. श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

बहुजन राष्ट्रशक्ति सामाजिक संघटना महाराष्ट्र राज्य

आठवले परिवार