लोकनाट्य तमाशा मंडळ व थेटर चालक, मालक कला केंद्रातील कलावंतावर उपासमारीची वेळ येऊ नये यासाठी महाराष्ट्र सरकारने दखल घ्यावी

संपादक 

मा. उद्धवजी ठाकरे साहेब, मुख्यमंत्री महाराष्ट्र राज्य व मा. अजितदादा पवार साहेब उपमुख्यमंत्री महाराष्ट्र राज्य तसेच सांस्कृतिक मंत्री महाराष्ट्र राज्य व सर्व मंत्री

यांना सविनय सादर

          महाराष्ट्रातील नामवंत लोकनाट्य तमाशा मंडळ तसेच कला केंद्र असून याचे मालक व कलाकार यांच्यावर उपासमारीची वेळ आली आहे. शासन लोकनाट्य तमाशा मंडळांना, नामवंतांना आर्थिक मदत देत होते ती मदत बंद झालेचे मालक सांगतात. कला ही महाराष्ट्राची शान आहे. कलाकारामुळेच तर आपल्या जीवनात आनंद मिळत असतो. त्याच कलाकारांच्या या कोरोना कोव्हिड -19 या रोगामुळे त्यांचे उपजीविकेचे साधन बंद झाले. आपली कला दाखवून ते उदरनिर्वाह करत होते. आज त्यांच्यावरती उपासमारीची वेळ आली आहे. तसेच लोकनाट्य तमाशा मंडळ व थेटर कला केंद्र मालक व चालक यांना  सुरू करण्यास शासन मान्यता देत नाही. आज कलाकारांना दुसरे कोणतेच काम करता येत नाही. आयुष्य त्यांचे कला सादर करण्यातच गेले आहे त्यामुळे आता उतरत्या वयात काय काम करायचे? कसे जगायचे ? हा कलाकारापुढे गंभीर प्रश्न उभा राहिला आहे. तमाशा मंडळ व कला केंद्रातील चालक व मालक यांचापुढे कलाकारांचे करायचे काय? त्यांनी आपले जीवन तमाशात व कलाकेंद्रात कलाकार म्हणून घालवले आहे. तमाशा मंडळ तसेच कला केंद्र चालू करण्यास परवानगी शासनाने दिली नाही तर या कलाकारांचे कसे होणार? हे कार्यक्रम गर्दीतील असतात. जेवढे प्रेक्षक जास्त तेवढा फायदा मालकाला, चालकाला असतो अशावेळी तमाशा मंडळ व कला केंद्र महाराष्ट्र सरकारने नियम व अटी घालून चालू करण्यास परवानगी दिली तर या कलाकारांच्या पोटापाण्याचा प्रश्न सुटेल. या कार्यक्रमाच्या ठिकाणी एखादा कोरोना रोगाचा रुग्ण आला तर तो रुग्ण सर्वांना घायाळ करील अशी परिस्थिति असू शकते हा गंभीर प्रश्न उभा आहे. तरी शासनाने दर महा भरीव अशी मानधन योजना आयुष्यासाठी कलाकारांना चालू करावी, त्यांना आधार द्यावा, कलाकारांची उपासमार होऊ नये यासाठी शासनाने कटिबद्ध राहावे. प्रत्येक व्यक्तीला आनंद, मनोरंजन देणारे दैवत कलाकार आहेत त्यांना बेघर करू नये. त्याचप्रमाणे लोकनाट्य तमाशा मंडळ व कला केंद्राच्या चालक व मालकांना कलाकाराच्या कलेनुसार आर्थिक  (उचल) द्यावी लागते. लोकनाट्य तमाशा मंडळ व थेटर कला केंद्र चालक, मालक यांच्या समोर गंभीर प्रश्न उभा आहे. या कलाकारांच्या व्यथा वेदना काही कलाकारांनी सांगितल्या त्यामुळे शासनाने याची दखल घ्यावी.  

जनहितार्थ

अधिक जाहिरातीसाठी संपर्क

संपादक : मा. श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

बहुजन राष्ट्रशक्ति सामाजिक संघटना महाराष्ट्र राज्य

आठवले परिवार