कोरोना कोव्हिड -१९ या रोगाच्या काळात देव सुद्धा झाले “पालापाचोळा”

संपादक

कोरोना कोव्हिड – १९ या रोगाने जगावर दहशत पसरवली. जगातील देश, राज्य, जिल्हे, तालुके, गावे ओसाड पडली. कोरोना हा रोग नुकसानीचा रोग ठरला, या रोगाने माणुसकी मारली, नात संपविल, कोणीही कोणाचं नाही, आला एकटा चालला एकटा, येताना काही घेऊन आला जाताना काय घेऊन चालला मिळालेल्या आयुष्याची मूठभर राख या पलिकडे माणसाचे काय अस्तित्व आहे. जेथे माणसाचे अस्तित्व नाही तेथे देवाचे तरी काय अस्तित्व राहणार? कोरोना या रोगाच्या संकट समयी देवालाच कोंडून ठेवले आहे. जर देव खरे असतील तर भक्तासाठी देव अशा संकटाला पळवून लावतील परंतु तसे देवाने केले नाही. भक्तांनी भरभरून देवासाठी भक्ति करायची, दान धर्म करायचा, देवाची देवालयाच्या इमारती मजल्यावर मजले चढवायचे, सोने, चांदी, पैसे अशी मदत (दान) देवाला संकट घालविल म्हणून सढळ हाताने भक्त देतात त्याच भक्तांना देवाने कोरोना कोव्हिड -१९ च्या काळात वार्‍यावरती सोडले. देवा कोरोना सारख्या रोगाचे संकट तू घालवले पाहिजे होते पण तू खरा नाही खोटा आहे हे सिद्ध झाले आहे. भक्त देवा तुज्यावरती भावनेमुळे तुझा आदर करतात पण तुझ्यात संकट निवारण करण्याची क्षमता, हिम्मत नाही हे या रोगाच्या काळात दिसून आले आहे. भक्त देवाचे भुकेलेले असतात मात्र देव भक्तांचे नसतात हे बघायला मिळाले. तू भक्तांचे संकट दूर करणारा नाही तर तुझे जे पुजारी आहेत त्यांना चहू बाजूंनी मोठे करणारा तू आहेस. देवा तुझी कुठे गेली शक्ति? कोरोना या रोगाचे संकट असताना ऐष आरामात बंद देवळात मजेत राहिला आहेस. तू जर खरा असला असता तर बंद केलेले दरवाजे, कुलपे तोडून टाकले असते पण तुझ्या शक्तीचा, भक्तीचा तुला अंदाज नाही. तूच ढोंगी आहेस तुझ्या नावामुळे भक्त सुद्धा आंधळे झाले आहेत. भक्ताची आंधळी माया तुझा जयजयकार करते. देवा तुझाच आता पालापाचोळा झाला आहे. तू या कोरोना कोव्हिड – १९ च्या या रोगाच्या काळात संकट घालवले पाहिजे होते परंतु देवा तुझ्याकडून झाले नाही. तू आता रक्षणकर्ता राहिलेला नाही हेच सध्या दिसून आले आहे. काही समाजाने साधू संतांना छळले तेच आता त्या साधू संता बाबत काळजी घेत आहेत. हे आश्चर्य म्हणावे लागेल इतकेच.  

शोधपत्रकारिता

अधिक जाहिरातीसाठी संपर्क

संपादक : मा. श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

बहुजन राष्ट्रशक्ति सामाजिक संघटना महाराष्ट्र राज्य

आठवले परिवार