नातेपुते नगरपंचायतचा विकासात्मक लेखाजोखा

उपसंपादक

            ०३ ऑगस्ट २०२१ रोजी नातेपुते ग्रामपंचायतचे रूपांतर नगरपंचायतमध्ये झाले. निवडणुका लागल्या, निकाल लागले आणि १८ फेब्रुवारी २०२२ रोजी नगरसेवक यांनी पदभार स्वीकारला. त्वरित सर्व प्रभागाचा सर्व्हे करण्यात आला. त्यामध्ये रस्ते, पानी, ड्रेनेज इ.ची पाहणी केली. ०९ मार्चच्या मासिकी मीटिंगमध्ये ०१ ते १७ प्रभागातील कामे मंजूर करून घेण्यात आली. सध्या २२ दिवस पाणी पुरेल एवढा साठा असून तो साठा वाढवण्यासाठी प्रयत्न चालू आहेत. यासाठी ०५ कोटी रुपयांची गरज आहे. आमदार रणजीतसिंह मोहिते-पाटील यांच्याकडे तशी मागणी केली आहे. १७ प्रभागात विविध कामाच्या निधीसाठी डी.पी.डी.सी. प्रस्ताव पाठवले आहेत. सध्या निधी मिळाला नसल्यामुळे थोडी अडचण येत आहे परंतु ती लवकरच सुटेल. सर्वांच्या मदतीने नातेपुते नगरपंचायतचा कायापालट होऊन एक विकासाचे नातेपुते गाव होईल असे नगराध्यक्ष सौ.उत्कर्षाराणी पलंगे व उपनगराध्यक्ष मालोजीराजे(आबासाहेब) देशमुख, सार्वजनिक बांधकाम सभापती अतुल(बापू)पाटील यांनी माहिती पत्रकार परिषदेत दिली. तसेच गावातील बरीच संपत्तीची नोंद नव्हते त्याचा सर्व्हे करण्यासाठी एजन्सी नेमली आहे. पाणी सर्वांना मिळावे यासाठी २ मोठ्या पाण्याच्या टाक्या बांधल्या जाणार आहेत. सध्या नगरपंचायतमध्ये मुख्यकार्यकारी अधिकारी उपलब्ध आहेत. इतर केडरची पदे नाहीत. ती भरण्याबाबत आमदार रणजीतसिंह मोहिते-पाटील व आमदार राम सातपुते यांच्याकडे मागणी केली आहे. नातेपुते येथील परवतेश्वर मंदिरासाठी  ०२ कोटीची मागणी आहे. तसेच बाजारतळा शेजारील तळ्याचा विकास करण्यासाठी ०५ कोटी रुपयेची मागणी केली आहे. ०४.५० कोटी रुपये आमदार राम सातपुते यांनी तर आमदार रणजीतसिंह मोहिते-पाटील यांनी निधी दिला आहे. सध्या सोलापूर जिल्ह्याला पालकमंत्री नसल्यामुळे निधी आणण्यासाठी अडचण येत आहे. तसेच रमामाता नगरात डॉ.बाबासाहेब आंबेडकर सांस्कृतिक भवन व अभ्यासिका तर ४५ फाटा येथील अंडर ग्राऊंड फुटपाथ करण्यात येणार आहे. तसेच पालखी तळावर विकासात्मक कामे करणार आहेत. तसेच बाजार कट्ट्यांवर पत्रा शेड उभारले जाणार आहे. डी.पी.डी.सी.तून निधी मिळाला असता तर गावात सर्व प्रभागात कामे होत असताना जनतेला दिसले असते. तरीही आम्ही निधि आणून सर्व प्रभागातील जनतेची कामे करून विकासात्मक नातेपुते बनवले जाईल असे पत्रकार परिषदेमध्ये केले. यावेळी नगराध्यक्ष उत्कर्षाराणी पलंगे, उपनगराध्यक्ष मालोजी(आबासाहेब) देशमुख, सार्वजनिक बांधकाम मंत्री अतुल (बापू) पाटील, पंचायत समिति सदस्य ज्ञानराज (माऊली) पाटील, कृषि उत्पन्नबाजार समितीचे उपसभापती मामासाहेब पांढरे, मुख्याधिकारी माधव खांडेकर, नगरसेवक आण्णा पांढरे, सुरेंद्र सोरटे, माजी ग्रा.प.स.बाळासाहेब काळे, माजी ग्रा.प.स.अॅड. रणवीर देशमुख, शक्ती पलंगे उपस्थित होते.      

बातमी

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

                                                                    ९४२०३०२५६१        

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

बहुजन राष्ट्रशक्ति सामाजिक संघटना महाराष्ट्र राज्य

आठवले परिवार

टीप : जे दिसेल, जे पाहिले तेच लिहिले हेच वृत्तपत्राचे ध्येय उद्दीष्ट आहे.