नातेपुते येथे गरीब व गरजूंना आर्थिक सहाय्य करण्यासाठीच श्री. रामहरी रूपनवर नागरी सहकारी पतसंस्थेची स्थापना – माजी आमदार रामहरी रूपनवर

श्री. रामहरी रूपनवर नागरी सहकारी पतसंस्थेच्या उदघाटनप्रसंगी  प्रकाश पाटील पंढरपूर, बाबाराजे (दादा) देशमुख, माजी आमदार रामहरी रूपनवर, प्रकाश पाटील पाणीव, अॅड. डी. एन. काळे, संतोष काळे इ.  

संपादक

          नातेपुते तालुका माळशिरस, जि. सोलापूर येथे श्री. रामहरी रूपनवर नागरी सहकारी पतसंस्थेची स्थापना करण्यात आली. या पतसंस्थेचे उदघाटन सुधाकरपंत परिचारक, पतसंस्थेचे चेअरमन प्रकाश पाटील पंढरपूर, माजी आमदार रामहरी रूपनवर, रेणुका परिवाराचे नेते सोलापूर जिल्हा परिषदेचे माजी उपाध्यक्ष मा. बाबाराजे (दादा) देशमुख यांच्या हस्ते फीत कापून झाले. माजी आमदार रामहरी रूपनवर म्हणाले की, सध्या कोरोना या रोगाने थैमान घातले असून मोठी आर्थिक अडचण झाली आहे ही पतसंस्था गरीब व गरजू लोकांना अर्थसाहय्य करणारी आहे. या संस्थेत तीन हजार सभासद झाले आहेत. ह्या पतसंस्थेला अॅड. डी. एन. काळे वकील यांनी जागा दिल्यामुळे व या ठिकाणी धुळदेव पतसंस्थेने यशस्वी वाटचाल केली असल्यामुळे आमच्या पतसंस्थेला ही जागा यशस्वी ठरेल व चांगली वाटचाल करेल असे पतसंस्थेचे चेअरमन माजी आमदार रामहरी रूपनवर यांनी केले. या उदघाटन प्रसंगी प्रकाश पाटील पंढरपूर म्हणाले की, ३0 ते ३६ हजार पतसंस्था कार्यरत होत्या. सध्या त्यापैकी १० हजार पतसंस्था राहिल्या असतील. नोटाबंदी मुळे आर्थिककणा मोडला आहे. ठेवीदार कधी येथील, कर्जदार कधी कर्ज फेडतील हे सांगता येत नाही. पतसंस्था चालवताना सगळा विचार करावा लागत आहे. तर सोलापूर जिल्हा परिषदेचे माजी जिल्हा उपाध्यक्ष रेणुका परिवाराचे नेते मा. बाबाराजे (दादा) देशमुख म्हणाले की, श्री. रामहरी रूपनवर नागरी पतसंस्थेच्या स्थापनेवेळी प्रकाश पाटील पंढरपूर व प्रकाश पाटील पानिव तालुका माळशिरस हे दोन प्रकाश पतसंस्थेवेळी हजर असल्यामुळे प्रकाश पडेल व चांगली चालेल यामध्ये शंका नाही, पतसंस्था यशस्वी होईल. नातेपुते येथील पतसंस्था कधीच स्पर्धा करीत नाहीत. एकमेकांना सहकार्य करीत आहेत. ही पतसंस्था वैभव निर्माण करील असे बाबाराजे (दादा) देशमुख म्हणाले. यावेळी कोंग्रेस कमिटिचे माजी जिल्हा अध्यक्ष प्रकाश पाटील, शुभांगी देशमुख, शिरीष फडे, सरपंच बी. वाय. राऊत, अॅड. डी. एन. काळे, मछिंद्र ठवरे, धैर्यशील देशमुख, डॉ. एम. पी. मोरे,  सोपानराव नारनवर, संजय पाटील, मामासाहेब पांढरे, माऊली पाटील, अतुल पाटील, अर्जुन जठार, बाहूबली चेंकेश्वरा, अॅड. भारत उराडे, गौतम माने, राजाभाऊ रूपनवर, के. पी. काळे, आप्पासाहेब रूपनवर, संतोष काळे, बाळासाहेब पांढरे, अविनाशजी दोशी, तुकाराम देशमुख, अरुण पांढरे, प्रा. एम. डी. ढोबळे, डॉ. आजिनाथ रूपनवर, दादा पाटील, महादेव देशमुख, शामराव बंडगर इ. मान्यवर उपस्थित होते.        
 

अधिक जाहिरातीसाठी संपर्क

संपादक : मा. श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

बहुजन राष्ट्रशक्ति सामाजिक संघटना महाराष्ट्र राज्य

आठवले परिवार