नातेपुते व इतर परिसरातील गावामध्ये मास्क गळ्यात आणि तोंड उघडे असे सर्वत्र भयानक परिस्थिती

संपादक

    नातेपुते ता. माळशिरस जि. सोलापूर या गावात ५० % घराबाहेर पडणारे ग्रामस्थ आहेत. तसेच घरातून बाहेर पडणारे मोकाट टाइमपास म्हणून फिरणारे ग्रामस्थ यांच्याकडे पाहिले असता गळ्यात मास्क आणि तोंड उघडे बघायला मिळत आहेत. नातेपुते गावात कोरोना या रोगापासून गाव, ग्रामस्थ आनंदी रहावे, कोणतीही विचित्र घटना घडू नये, कोणावरही या रोगाचे संकट येऊ नये यासाठी ग्रामपंचायत, नातेपुते पोलिस स्टेशन सतत दक्ष आहेत. नियम मोडू नका, आदेशाचे पालन करा असे सांगितले जाते पण या आदेशाकडे काही ग्रामस्थांचे लक्ष नाही ही शोकांतिका आहे. तसेच नातेपुते पोलिस स्टेशन अंतर्गत येणार्‍या गावामध्येही अशीच भयानक परिस्थिती आढळत आहे. जे गळ्यात मास्क तोंड उघडे अशी जी व्यक्ति करीत असेल तर पोलिस खात्याने दांडक्याचा प्रसाद दिलाच पाहिजे कारण कोरोना या रोगाची लागण नातेपुते या गावात झाली तर करोना या रोगाचे ढीग लागतील याचा विचार जनतेने केला पाहिजे. मास्क हा गळ्यात अडकवण्यासाठी नाही तर तोंडातून हवेद्वारे पडणारे सूक्ष्मजंतु थांबवण्यासाठी आहेत. बाबांनो मास्क गळ्यात अडकावू नका तोंडावर बांधा तसेच दरोरज सकाळी काही ग्रामस्थ घरातून बाहेर पडून एस. टी. स्टँड च्या रस्त्यालगत बसून गप्पा मारताना दिसत आहेत. त्यांच्याकडे पाहिले असता व इतरांकडे पाहिले असता गळ्यात मास्क आणि तोंड उघडे असे दिसले. मास्क गळ्यात अडकावणे फॅशन नाही तर सुरक्षित राहण्यासाठी घरगुती उपचार आहे. तरी आपली जबाबदारी समजून वागावे. मास्क गळ्यात तोंड उघडे ही परिस्थिति तुम्हाला व इतरांना संकट आणू शकते. मास्क बांधायचा नसेल तर घर सोडू नका. कोरोनाचा धाक आणि डोक्याला ताप अगोदरच झाला आहे. सावधगिरी बाळगा, दक्षता घ्या, विनाकारण भटकंती करू नका. कोरोना या रोगापासून अलिप्त राहायचे व कोरोना रोगालाही अलिप्त ठेवायची सर्वांची जबाबदारी आहे. तरी मास्क गळ्यात तोंड उघडे असे करू नका

जनहितार्थ   

संपादक

अधिक जाहिरातीसाठी संपर्क

संपादक : मा. श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

बहुजन राष्ट्रशक्ति सामाजिक संघटना महाराष्ट्र राज्य

आठवले परिवार