नातेपुते पोलीस ठाणेकडील गुन्हे प्रकटीकरण शाखेची आदर्श कामगिरी चंदन चोरी करणा-या आरोपीस २४ तासात केले जेरबंद

 

उपसंपादक: वैभव आठवले साप्ताहिक बहुजन भूषण वृत्तपत्र

नातेपुते पोलिस स्टेशन यांचेकडून मिळालेल्या माहितीनुसार

     नातेपुते पोलीस ठाणे हददीमध्ये मौजे मांडवे, ता.माळशिरस येथे राजन सुकुमार दोशी यांचे शेतातील दिनांक २६/०६/२०२५ रोजी सकाळी ०८/०० वा ते सायंकाळी ०५/००वा. चे दरम्यान शेतातील बांधावरील १० वर्षे वयाची ०२ चंदनाची झाडे अंदाजे किंमत २७,०००/- रू चे कोणीतरी अज्ञात चोरटयाने चोरून नेली आहेत त्याबाबत फिर्यादी नामे राजन सुकुमार दोशी रा.नातेपुते, ता.माळशिरस, जि.सोलापुर यांचे फिर्यादीवरुन नातेपुते पोलीस ठाणेस गु.र.नं. २३७/२०२५ भारतीय न्याय संहिता २०२३ चे कलम ३०३ (२) प्रमाणे दिनांक २६/०६/२०२५ रोजी गुन्हा दाखल झाला होता. सदर गुन्हयाचा तपास पोहेकॉ/१७०८ विकास बाबर हे करीत होते.

     नातेपुते पोलीस ठाणेचे गुन्हे प्रकटीकरण शाखेचे अंमलदार यांनी सदर गुन्हयाचा तपास दरम्यान मिळालेल्या गोपनिय बातमीव्दारे माहीती काढून इसम नामे १) गोविंद दुर्याधन काळे २) मेघराज ज्ञानदेव भोसले दोघे रा माळशिरस यांनी गुन्हा केल्याचे निष्पन्न झाल्याने त्यास पोहकॉ/१७०८ बाबर व गुन्हे प्रकटीकरण शाखेचे पोना/५६२ राकेश लोहार, पोकॉ/२०५८ अस्लम शेख, पोकॉ/५३२ रणजित मदने यांनी वरिल आरोपीस मौजे माळशिरस ता माळशिरस येथे असल्याची माहिती मिळाल्याने नातेपुते पोलीस ठाणेचे श्री महारुद्र परजने सहा. पोलीस निरीक्षक व बसश्वेर जकीकोरे सहा.पोलीस निरीक्षक यांना माहिती देवुन गुन्हे प्रकटीकरण शाखेतील अंमलदार यांना तात्काळ रवाना करुन मौजे माळशिरस ता माळशिरस येथे सापळा लावुन आरोपीस ताब्यात घेवुन त्यांना अधिक विश्वासात घेवुन चौकशी केली असता त्यांनी नातेपुते पोलीस ठाणे गुरनं २३७/२०२५ भारतीय न्याय संहिता २०२३ चे कलम ३०३(२) प्रमाणे गुन्हा कबुल केल्याचे सांगून सदर गुन्हयातील चोरीस गेलेला चंदनाचे झाडाचे तासलेले तुकडे अंदाजे किंमत २७,०००/- रू असा मुददेमाल जप्त करण्यात आला आहे

     सदरची कामगिरी मा. पोलीस अधिक्षक साो श्री.अतुल कुलकर्णी सोलापुर ग्रा., मा.अप्पर पोलीस अधिक्षक श्री.प्रितम यावलकर सोलापुर ग्रा., मा.उपविभागीय पोलीस अधिकारी श्री.नारायण शिरगावकर अकलुज उपविभाग अकलुज यांचे मार्गदर्शनाखाली नातेपुते पोलीस ठाणेचे सहा.पोलीस निरीक्षक श्री महारुद्र परजने, सहा. पोलीस निरीक्षक बसवेश्वर जकीकोरे, पोहेकॉ/१७०८ बाबर, पोहेकॉ/७०६ रुपनवर, पोना/५६२ राकेश लोहार, पोकॉ/ २०५८ अस्लम शेख, पोकॉ/५३२ रणजित मदने चापोकॉ/४६ राहूल वाघमोडे यांनी केली आहे.

बातमी

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

संस्थापक : बहुजन राष्ट्रशक्ति सामाजिक संघटना महाराष्ट्र राज्य

टीप : जे दिसले, जे पाहिले तेच लिहिले हेच वृत्तपत्राचे ध्येय उद्दीष्ट आहे.