साप्ताहिक बहुजन भूषण

     उपसंपादक: वैभव आठवले (साप्ताहिक बहुजन भूषण वृत्तपत्र)      नातेपुते नगरपंचायत हद्दीमध्ये शेतकऱ्यांच्या शेत जमिनीवर शहराच्या प्रारूप विकास आराखड्याच्या अनुषंगाने टाकलेल्या आरक्षणाबाबत नगरवासीयांकडून आलेल्या हरकतींचा नगरवासीय व लोकप्रतिनिधी या सर्वांसमोर तोडगा काढावा. यामागणीचे निवेदन कल्याण जाधव सहा. संचालक नगररचना, सोलापूर यांना शिवसेना नेते तथा विश्वस्त नातेपुते एज्युकेशन सोसायटी राजकुमार हिवरकर-पाटील यांनी दिले.      नातेपुते नगरपंचायत हद्दीतील ग्रामस्थांना, शेतकऱ्यांना विश्वासात न घेता प्रारूप विकास आराखड्याचे आरक्षण टाकल्यामुळे  काही कुटुंब भूमिहीन होणार आहेत.  काही ठिकाणी ३० मीटर, १५ मीटर चे रस्ते हे नागरी वस्ती मधूनच नकाशात प्रसारित केले गेले आहेत. पिढी  जात कसत असलेल्या जमिनी यावरती  फॉरेस्ट, ग्रामपंचायत काळापासून केलेली  घरे, बांधकामे, दवाखाने यावरती विकास  नगररचनेच्या नकाशात दाखवलेले रस्ते  यासह विविध प्रयोजने यामुळे नागरिकांच्या  उदरनिर्वाहाच्या जागा, घरे, शेतजमिनी  असलेली बांधकामे य...

संपादक : अभिमन्यु बी. आठवले (साप्ताहिक बहुजन भूषण वृत्तपत्र)  नातेपुते नगरपंचायतने प्रसिद्ध केलेल्या व संपादक यांच्या हाती लागलेल्या नकाशानुसार, दसरा सण झाला, दीपावली सण सुरु होत आहे हे जनतेसाठी आनंदाचे सण आहेत परंतु नातेपुते नगरपंचायतने शेती धारक व प्लॉट धारक यांना माहिती न देता नकाशा प्रसिद्धी करून झोप उडवली आहे. शेती धारक व प्लॉट धारक यांचे प्रचंड नुकसान होणार आहे, बेघर होणार आहेत, शेती धारक व प्लॉट धारक आपले कसे होणार? यामुळे चिंताग्रस्त झाले आहेत. ग्रामपंचायतचे नगरपंचायतमध्ये रूपांतर केले आता यापुढे शेती धारक व प्लॉट धारक यांना उध्वस्त करून नगरपरिषद करायची आहे काय? नगरपरिषद करायची असल्यास नातेपुते नगरपंचायतला लागून असलेली गावे मोरोची, कारुंडे, व इतर गावे घेणार का?, असे संपादक व संघटनेचा संस्थापक म्हणून वाटते. शेती धारक व प्लॉट धारक यांनी त्वरित गट नंबरचे ७/१२ उतारे, तसेच असिसमेंट उतारे काढून त्यावरती बाधित क्षेत्र असा उल्लेख आहे का? यासाठी उतारे काढून बघावेत व आपले म्हणणे नातेपुते नगरपंचायतकडे लेखी द्यावे. शेती धारक व प्लॉट धारक यांना देशोधडीला लावून रस्ते करणे, बगीचे करणे...

संपादक: साप्ताहिक बहुजन भूषण वृत्तपत्र           नातेपुते , ता.माळशिरस , जि.सोलापूर येथील नातेपुते नगरपंचायतने नुकताच प्रसिद्ध   केलेल्या प्रारूप विकास आराखडा नकाशातील गट नंबर मधील रस्ता रुंदीकरण बाबत नकाशा संपादक अभिमन्यू आठवले यांच्या हाती लागला असून नकाशा कोणाच्या सांगण्यावरून केला गेला ?  रस्त्याची रुंदी किती वाढवणार ?  नकाशा तयार करण्या अगोदर ज्या गट नंबर मधील रहिवासी यांना का विश्वासात घेतले नाही , बोलावले का नाही ? हा नकाशा ग्रामपंचायत काळातील आहे का? की सध्या नगरपंचायत काळातील आहे? हा ठराव करून वरील कार्यालयाकडे गट नंबर पाठविले होते का?  ज्या जागा मालकांनी आप-आपल्या परीने गटार व पाण्याच्या पाईप लाईनसाठी जागा सोडून घरे बांधली आहेत , पूर्वीपासून रस्ते आहेत त्याची रुंदी वाढविण्याचे कारण काय ?  जेवढा आहे त्यानुसारच त्याचे उत्कृष्ट काम केले पाहिजे.             पै-पै जमा करून ,  कर्ज काढून घरे बांधली गेली आहेत , ती पडणार का ?  त्याचा मोबदला किती देणार ?...

उपसंपादक : साप्ताहिक बहुजन भूषण वृत्तपत्र  महायुतीकडून महाराष्ट्र राज्याच्या प्रत्येक मतदार संघात समन्वयक पदी शिवसेना शिंदे गट, भारतीय जनता पार्टी, राष्ट्रवादी काँग्रेस पार्टी अजित पवारसाहेब, यांच्याकडून समन्वयकच्या निवडीची यादी नुकतीच प्रसिद्ध करण्यात आली. यामध्ये सोलापूर जिल्ह्यातील माळशिरस तालुक्यातील नातेपुते येथील मा.राजकुमार हिवरकर-पाटील यांची माळशिरस तालुका समन्वयक पदी निवड केली गेली.  मा.राजकुमार हिवरकर-पाटील यांनी शिवसेना शिंदे गट यांचे "गाव तेथे शाखा" काढून शिवसेना वाढवली. शिंदे गटाच्या शिवसेनेला उभारी देण्याचे काम हिवरकर-पाटील यांनी केले आहे. जेवढे महाराष्ट्र राज्यात शिंदे गट शिवसेना यांचे काम नाही तेवढे काम शिवसेना शिंदे गट पक्षाचे माळशिरस तालुक्यात राजकुमार हिवरकर-पाटील यांच्यामुळे आहे.  हिंदुहृदयसम्राट बाळासाहेब ठाकरे, धर्मवीर आनंद दिघे यांच्या विचाराने प्रेरित होऊन शिवसेना नेते हिवरकर-पाटील यांचे माळशिरस तालूक्यात प्रचंड काम आहे त्याची दखल घेऊन शिवसेनेचे मुख्य नेते मुख्यमंत्री एकनाथ शिंदे साहेब यांनी माळशिरस विधानसभा मतदार संघाच्या समन्वयक पदी मा.राजक...

उपसंपादक:  वैभव आठवले  (साप्ताहिक बहुजन भूषण वृत्तपत्र) माळशिरस तालुक्यातील सर्व अंगणवाडी सेविका, मदतनीस, तसेच अंगणवाडीच्या पर्यवेक्षिका यांचा भव्यदिव्य असा मान-सन्मान शिवसेना नेते राजकुमार हिवरकर-पाटील यांच्याकडून माळशिरस पंचायत समिती डॉ.ए.पी.जे.अब्दुल कलाम यांच्या सभागृहात करण्यात आला.      यावेळी माळशिरस पंचायत समितीच्या महिला बालविकास प्रकल्प अधिकारी श्रीमती आसमा आतार मॅडम यांनी मनोगत व्यक्त करताना सांगितले की, महाराष्ट्रामधून माळशिरस तालुक्यामध्ये लोकप्रतिनिधीने आमचा सन्मान करणे हा बहुतेक पहिलाच कार्यक्रम असावा, त्यांनी त्यांचा मनाचा मोठेपणा दाखवून आमचा मान सन्मान करण्यासाठी ते इथपर्यंत आले आणि आमचा मान सन्मान केला त्याबद्दल नेहमीच आम्ही त्यांचे आभारी असू. तसेच त्यांनी सांगितले की, महाराष्ट्रामधून माळशिरस तालुक्यातील आपला लाडकी बहीण योजनेचा फॉर्म पहिला सबमिट झाला असे गौरवउद्गार  काढले. यावेळी अंगणवाडी पर्यवेक्षिका यांनी त्यांचे मत व्यक्त करताना सांगितले की, आम्हाला मदतनीस तसेच सेविका हे रात्रीच्या बारा वाजले, रात्रीच्या दोन वाजले आणि पहाटेचे चार वा...

      उपसंपादक:  वैभव आठवले  (साप्ताहिक बहुजन भूषण वृत्तपत्र)               सहकार महर्षी शंकरराव मोहिते-पाटील महाविद्यालय नातेपुते, "राष्ट्रीय सेवा योजना" विभागाच्यावतीने युवक कल्याण व क्रीडा मंत्रालय भारत सरकार व पुण्यश्लोक अहिल्यादेवी होळकर सोलापूर विद्यापीठ, सोलापूर यांच्या निर्देशानुसार दिनांक १७ सप्टेंबर ते ०२ ऑक्टोबर २०२४ या कालावधीत राबविला जात असणारा "स्वच्छता हीच सेवा" या मोहिमेअंतर्गत 'स्वभाव स्वच्छता-संस्कार स्वच्छता' हा उपक्रम अंतर्गत नातेपुते नगरपंचायत पाण्याची टाकी स्वच्छ करण्यात आली, विठ्ठल मंदिर व परिसर स्वच्छता करण्यात आला, तसेच त्या ठिकाणी वृक्षारोपण करण्यात आले. राष्ट्रीय सेवा योजना दिन 'स्वच्छ भारत' अभियानाची शपथ घेण्यात आली.       यावेळी प्रा.डॉ.डी.एस.थोरात यांचे व्याख्यान घेण्यात आले. अशाप्रकारे विविध कार्यक्रमाचे आयोजन राष्ट्रीय सेवा योजनेच्या वतीने महाविद्यालयात करण्यात आले. या अभियानाची सांगता म्हणून आज बुधवार दिनांक ०२/१०/२०२४ रोजी राष्ट्रपिता महात्मा गांधी यांची  जयंती 'आ...

               उपसंपादक:  वैभव आठवले  (साप्ताहिक बहुजन भूषण वृत्तपत्र)                    अकलूज बस डेपोसाठी नवनिर्वाचित एसटी महामंडळाचे अध्यक्ष मा. श्री. भरत शेठ गोगावले यांना शिवसेनेचे नेते तथा नातेपुते एज्युकेशन सोसायटीचे विश्वस्त यांच्याकडून आळंदीच्या बैठकीत सत्कार करून निवेदन दिले.           निवेदनात म्हटले आहे की, अकलूज बस डेपोला पूर्वी जवळपास 110 बस उपलब्ध होत्या. पूर्ण तालुक्यातील ज्येष्ठ नागरिक, माता-भगिनी, विद्यार्थी हे लालपरीतून प्रवास करीत असे. बस जास्त जुन्या होत गेल्या तशा त्या स्क्रॅप झाल्या, नव्या बस उपलब्ध न झाल्याने महाराष्ट्राचे लोकप्रिय मुख्यमंत्री एकनाथराव शिंदे साहेब यांनी महिलांसाठी अर्ध  तिकीट योजना लागू केली परंतु लालपरीची संख्या कमी असल्याने तीर्थक्षेत्राकडे जाणाऱ्या लालपरीची संख्या कमी आहे. त्यामुळे माता-भगिनींना याचा लाभ घेता येत नाही. त्याची संख्या ६० वर आली. अकलूज बस डेपोसाठी जवळपास ४५ कर्मचारी अत्यावश्यक आहेत. त्यामध्ये लिपिक, चा...

   उपसंपादक:  वैभव आठवले  (साप्ताहिक बहुजन भूषण वृत्तपत्र)   अ त्यंत हलाखीची परिस्थिती असून सुद्धा माझ्या मुलाला मी पोलीस बनवणारच ह्या स्वप्नाला उराशी बाळगून मूळचे सदाशिवनगर  येथील पिंटू ओवाळ सध्या राहणार पिंपरी चिंचवड आणि पिंपरी चिंचवड येथील भाजी मंडई मध्ये हमाली करणाऱ्या एका बापाचे स्वप्न पूर्ण करण्यात त्यांचा अनिकेत नावाचा मुलगा अवघ्या 20 व्या वर्षी सोलापूर एस आर पी एफ मध्ये पोलीस पदावर विराजमान झाला. अनिकेत ओवाळ हे सध्या पदवीच्या दुसऱ्या वर्षामध्ये शिकत आहेत बारावी पूर्ण झाल्यानंतर त्यांनी खूप कष्टाने आणि जिद्दीने अभ्यास करून पोलीस व्हायचं आणि वडिलांचे स्वप्न आहे की मुलाला वर्दी ही मिळालीच पाहिजे हे स्वप्न उराशी बाळगून रात्रंदिवस अभ्यास करून अवघ्या दोनच वर्षात सोलापूर येथे झालेल्या एस आर पी एफ या पदासाठी गवसणी घातली आहे. त्यांचं अभिनंदन करताना  राजकुमार हिवरकर पाटील शिवसेना नेते तथा विश्वस्त नातेपुते एज्युकेशन सोसायटी  म्हणाले की खूप कमी वयात मोठी जबाबदारी तुमच्यासारख्या वीर जवानांच्या हाती आली म्हणजे आपला भारत देश पूर्ण तरुणांच्या हाती ...

उपसंपादक:  वैभव आठवले  (साप्ताहिक बहुजन भूषण वृत्तपत्र)   नातेपुते नगरपंचायतचे बांधकाम सभापती मा.अतुल(बापु) पाटील यांची उपनगराध्यक्षपदी बिनविरोध निवड झाली. निवडणूक निर्णय अधिकारी म्हणून बार्शीचे मुख्याधिकारी तथा प्रशासक बाळासाहेब चव्हाण यांनी कामकाज पाहिले.  नातेपुते ही पहिली ग्रामपंचायत होती, त्याचे रूपांतर नगरपंचायतमध्ये झाले. पहिला नगराध्यक्षा होण्याचा मान उत्कर्षांराणी पलंगे यांना मिळाला, त्यांनी राजीनामा दिल्यानंतर नातेपुते नगराध्यक्षा म्हणून अनिता लांडगे या विराजमान झाल्या. उपनगराध्यक्षपदी मालोजीराजे देशमुख यांनी अडीच वर्ष कामकाज चालवले. मालोजीराजे देशमुख यांनी राजीनामा दिल्यानंतर उपनगराध्यक्ष पदाची निवडणूक जाहीर झाली. उपनगरध्यक्षपदासाठी अतुल(बापु) पाटील यांचा एकमेव अर्ज दाखल झाला. सर्व नगरसेवक यांनी एकमताने बिनविरोध निवड केली. निवड होताच फटाके फोडून आनंद व्यक्त केला.  यावेळी उपसभापती मामासाहेब पांढरे, पंचायत समिती सदस्य माऊली पाटील, नातेपुते नगरपंचायतचे मुख्याधिकारी माधव खांडेकर, नगराध्यक्ष अनिता लांडगे, माजी नगराध्यक्षा उत्कर्षांराणी पलंगे, माजी उप...

उपसंपादक वैभव अ. आठवले साप्ताहिक बहुजन भूषण वृत्तपत्र      राज्याचे शिक्षण मंत्री दीपक जी केसरकर साहेब यांना शिवसेनेचे नेते तथा नातेपुते एज्युकेशन सोसायटीचे विश्वस्त राजकुमार हिवरकर-पाटील यांनी निर्भया पथक, पोस्को कायदा, जाणीव जागृती प्रतिबंधात्मक योजना, व्यसनमुक्ती अमली पदार्थचे दुष्परिणाम, रस्ता सुरक्षितता व वाहतुकीचे नियम याबाबतचे मागणी पत्र रामटेक या त्यांच्या शासकीय निवासस्थानी बैठकीत दिले. सोलापूर जिल्ह्यात तसेच माळशिरस तालुक्यामध्ये सोलापूर जिल्ह्यातील प्रत्येक तालुक्यातील माध्यमिक, प्राथमिक व ज्युनिअर कॉलेज यामध्ये सर्व मुख्याध्यापकांची वरील विषयांसाठी बैठक आयोजित करणे गरजेचे आहे याबाबतचे निवेदन मी शिवसेनेच्या वतीने सन्माननीय मुख्यमंत्री सन्माननीय स्वतः आपण व आरोग्यमंत्री सोलापूर जिल्हा पोलीस प्रमुख ग्रामीण डीवायएस, जिल्ह्याचे शिक्षणाधिकारी, तालुक्याचे शिक्षणाधिकारी यांना ५/४/२०२४ रोजी दिलेली आहे.       बदलापूरच्या घटनेची पुनरावृत्ती टाळायची असेल तर जिल्हा, तालुक्यासह प्रत्येक शाळेवर समित्या स्थापन करणे गरजेचे आहे. मुलींना गुड टच बॅड टच या...

उपसंपादक : वैभव अ. आठवले, साप्ताहिक बहुजन भूषण वृत्तपत्र       महिला आर्थिक विकास महामंडळ (सोलापूर)  महाराष्ट्र राज्य ग्रामीण जीवन्नोती अभियान अंतर्गत तालुका अभियान कक्ष माळशिरस स्थापित उज्वल लोकसंचलित साधन केंद्रा नातेपुते  या संस्थेची सातवी वार्षिक सर्वसाधारण पार खेळीमेळीत पार पडली. या सभेसाठी प्रमुख पाहुणे म्हणून मा सतीश भारती सहा. जिल्हा समन्वय अधिकारी मावीम सोलापूर, मा रणजीत शेंडे तालुका कार्यक्रम व्यवस्थापक माळशिरस तसेच कार्यक्रमाचे अध्यक्ष ,मा राजकुमार हिवरकर पाटील शिवसेना  नेते तथा विश्वस्त नातेपुते एज्युकेशन सोसायटी नातेपुते, मा सुनील गावडे शाखाधिकारी बँक ऑफ इंडिया, नातेपुते, मा विठ्ठल पाटील शाकाधिकारी बँक ऑफ इंडिया गुरसाळे, मा योगेश पाटील RHS, ICICI बँक  सोलापूर उज्ज्वल लोकसंचालित साधन केंद्र च्या अध्यक्षा व सर्व कार्यकारणी ,बचत गटातील महिला उपस्थित होत्या.       या सभेची सुरुवात उपस्थित मान्यवरांच्या हस्ते क्रांतीज्योती सावित्रीबाई फुले यांच्या प्रतिमा पूजन  व प्रार्थनेने झाली.         यावेळी बोलत...

  उपसंपादक : वैभव आठवले साप्ताहिक बहुजन भूषण वृत्तपत्र      नातेपुते /प्रतिनिधी  श्री संत शिरोमणी ज्ञानेश्वर महाराज महाराज पालखी सोहळ्यात शिवसेना वैद्यकीय मदत कक्ष व मुख्यमंत्री सहायता निधी कक्ष व माळशिरस तालुका शिवसेना यांच्या संयुक्त विद्यमाने  नातेपुते येथे शिवसेना भवन समोर  अरोग्य शिबिर राबवुन माऊलींच्या पालखीतील रुग्णांची सेवा करण्यात  आली.       मुख्यमंत्री एकनाथ शिंदे व खासदार श्रीकांत शिंदे यांच्या आदेशान्वये मुख्यमंत्री वैद्यकीय सहायता निधी प्रमुख  मंगेशजी चिवटे यांच्या मार्गदर्शनाखाली शिवसेनेच्यावतीने संत ज्ञानेश्वर महाराज पालखी सोहळ्यातील भाविकांना वैद्यकीय मदत व उपचार मिळावेत म्हणून आळंदी ते पंढरपूर आरोग्यवारीचे आयोजन करण्यात आले आहे.       त्याचबरोबर आपत्कालीन मंत्रालयाकडून जनजागृती  रथामार्फत समाज प्रबोधनाचे काम ही शिवसेना भवनावर करण्यात आले या शिबिरामध्ये शिवसेना वैद्यकीय मदत  कक्षाचे राज्य प्रमुख रामहरी राऊत स्वतः सहभागी असून त्यांच्या समवेत त्यांचे सहकारी  सहाय्यक नितीन हिलाल,...