नातेपुते नगरपंचायत हद्दीमधील शहरातील अतिक्रमण काढण्यासाठी सामाजिक कार्यकर्ते बिपिन मधुकर सातपुते आमरण उपोषण करणार

 

मा.श्री.बिपिन(भैय्या) मधुकर सातपुते
(सामाजिक कार्यकर्ते)

उपसंपादक : बहुजन भूषण वृत्तपत्र

          नातेपुते नगरपंचायतकडे जाणार्‍या रस्त्यावरील अतिक्रमणे काढावे असे बिपिन मधुकर सातपुते यांनी नगरपंचायतचे मुख्याधिकारी माधव खांडेकर यांच्याकडे तोंडी व लेखी म्हणणे मांडले होते. “ना न्याय ना निवारण” केले गेले, दखल घेतली नाही, टाळाटाळ केली, दफ्तर दिरंगाई कायद्यानुसार अधिकारी यांनी जनतेने दिलेल्या अर्जावरून आपले कर्तव्य पार पाडले पाहिजे असा कायदा सांगतो. ०६/१०/२०२२ च्या दिलेल्या निवेदनानुसार नगरपंचायतने अतिक्रमण हटवले नाहीत तर ०६/१०/२०२२ पासून नातेपुते नगरपंचायत कार्यालयासमोर मुख्याधिकारी माधव खांडेकर यांच्या विरोधात आमरण उपोषण चालू करणार असल्याचे निवेदनात म्हटले आहे. 

मा.श्री.बिपिन मधुकर सातपुते नातेपुते नगरपंचायत मुख्याधिकारी माधव खांडेकर यांना निवेदन देताना 

नातेपुते नगरपंचायतच्या मालाकीच्या सिटी सर्व्हे नं.४८६ यावरील अतिक्रमणे हटवावे. कोष्टी गल्ली नातेपुते सिटी सर्व्हे नं.४८४, ४८५, ४८०, ४८८ खरेदी मालमत्ता आहे. तसेच याठिकाणी राहण्यासाठी बांधकाम करणार आहेत. परंतु रस्ता नसल्यामुळे बांधकाम करण्यास अडचण येत आहे. त्याठिकाणी सिटी सर्व्हे नुसार रस्ता आहे. तो रस्ता मिळावा म्हणून सातपुते प्रयत्न करीत आहेत. परंतु आपल्यावर अन्याय होत आहे असे त्यांचे म्हणणे आहे. यापूर्वी पत्र व्यवहार केला, चकरा मारल्या, विनंत्या केल्या परंतु नशिबी मानसिक व शारीरिक त्रास भोगावा लागत आहे. सिटी सर्व्हेचे अधिकारी यांनी ४८६ नं ची मोजणी करण्यास वेळ लावल्यामुळे बांधकाम केले गेले नाही. तसेच त्यामुळे नुकसान झाले आहे. तसेच बिपिन सातपुते अनुसूचीत जातीतील असल्यामुळे जाणीवपूर्वक अन्याय होत असल्याचे त्यांचे म्हणणे आहे. न्याय मिळत नाही त्यामुळे ०६/१०/२०२२ पासून नगरपंचायत कार्यालय नातेपुते येथे आमरण उपोषण करणार असल्याचे बिपिन मधुकर सातपुते यांनी निवेदनाद्वारे नातेपुते नगरपंचायतचे मुख्याधिकारी माधव खांडेकर यांना दिले आहे. त्यामुळे नातेपुते नगरपंचायतचे मुख्याधिकारी यांनी जर रस्त्यावर अतिक्रमणे कोणी केले असतील तर ते त्याबाबत संबंधित विभागाकडे दखल घेण्यासंबंधी पाठपुरवा करू असे सांगितलेचे समजते. यावेळी असंख्य कार्यकर्ते उपस्थित होते.     

बातमी

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

बहुजन राष्ट्रशक्ति सामाजिक संघटना महाराष्ट्र राज्य

आठवले परिवार

टीप : जे दिसेल, जे पाहिले तेच लिहिले हेच वृत्तपत्राचे ध्येय उद्दीष्ट आहे.