नातेपुतेच्या ‘मंडईचा राजा’ मंडळाला जिल्हास्तरीय ‘आदर्श मंडळ’ पुरस्कार पोलीस अधीक्षक सोलापूर ग्रामीण यांच्या हस्ते सन्मान

  

उपसंपादक: वैभव आठवले साप्ताहिक बहुजन भूषण वृत्तपत्र  

दिनांक २३ ऑगस्ट २०२५ रोजी श्री हनुमान गणेशोत्सव मंडळ, ‘मंडईचा राजा फाउंडेशन’ (स्थापना १९५०) यांना त्यांच्या ७५ वर्षांच्या अमृत महोत्सवाच्या वर्षात एक मोठा गौरव प्राप्त झाला आहे. गेल्या अनेक वर्षांपासून समाजसेवेचे उत्कृष्ट कार्य करत असलेल्या या मंडळाला सोलापूर ग्रामीण पोलिस यंत्रणेतर्फे ‘जिल्हास्तरीय आदर्श गणेशोत्सव मंडळ’ म्हणून सन्मानित करण्यात आले.

    हा पुरस्कार पोलीस अधीक्षक सोलापूर ग्रामीण, श्री. अतुल कुलकर्णी यांच्या मार्गदर्शनाखाली राबविण्यात आलेल्या ‘आदर्श गणेश उत्सव संकल्पने’ अंतर्गत मंडळाच्या कार्याची दखल घेऊन देण्यात आला. बुधवारी झालेया एका समारंभात हा सन्मान प्रदान करण्यात आला. या वेळेस श्री हनुमान गणेश मंडळाचे अध्यक्ष -  विजय पिसे , उप अध्यक्ष - अभिजीत भिसे, खजिनदार - वैभव शहा तसेच मंडइचा राजा फाउंडेशन चे अध्यक्ष - विघ्नेश पदमन , उप अध्यक्ष - नीलेश गरगडे , सचिव - अमित चांगन , उपसचिव - तुषार देसाई तसेच मंडळातील सदस्य - धनंजय गरगडे,अमर भिसे, पृथ्वीराज पवार,राहुल दीक्षित व अक्षय पदमन यांनी सन्मानाचा स्वीकार घेतला.या अभिमानास्पद क्षणी मंडळाच्या प्रतिनिधींनी सोलापूर ग्रामीण पोलिस दल, नातेपुते पोलिस स्टेशनचे सहायक पोलीस निरीक्षक श्री. महारुद्र परजने, अडशन यश पी प्रीतम यावलकर पी आय नामदेव शिंदे व नातेपुते पोलीस चे गोपनीय देशमुख साहेब सुधीर हांगे पोलीस कॉन्टेबल स्थानिक पत्रकार मित्र, नगरपंचायत, सर्व ग्रामस्थांना तसेच सर्व सहकार्य करणाऱ्या व्यक्तींना आभार व्यक्त केले.

    ७५ वर्षांची वारसाहक्काची वाटचाल

    हनुमान गणेशोत्सव मंडळाने सुरुवातीच्या काळात रामायण-महाभारतावरील नाटके, भारुड यासारखे सांस्कृतिक कार्यक्रम राबवून गावात सांस्कृतिक एकात्मता निर्माण केली. कालांतराने मंडळाने श्री गणेश मंदिराची स्थापना केली व समाजहिताचे अनेक उपक्रम सुरू केले. मंडळाचे वैशिष्ट्य म्हणजे येथे हिंदू- जैन - मुस्लिम ऐक्य जोपासले गेले आहे तसेच महिलांना अध्यक्षपदासह सर्व पदांवर प्रतिनिधित्व दिले जाते.

    समाजोन्नतीचे बहुआयामी कार्य

    मंडळाने गेल्या अनेक वर्षांदरम्यान समाजासाठी मिसाल उभी केली आहे. यामध्ये दर चतुर्थीला कीर्तन, नवजात मुलींसाठी ‘सुकन्या समृद्धी योजना’, वृक्षारोपण, नेत्रतपासणी शिबीर, मोफत चष्मा वाटप, रक्तदान व अवयवदान जागरूकता शिबीर, आरोग्य शिबीर, शिक्षक सन्मान, ‘मंडईचा राजा’ पुरस्कार, होम मिनिस्टर, फॅशन शो सारख्या स्पर्धा यांचा समावेश होतो. कोरोना काळात मंडळाने अन्नदानाचे मोठे कार्य केले.

    ‘क्रमांकापेक्षा समाजकार्य महत्त्वाचे’

    गेली ११ वर्षे सलग प्रथम क्रमांक आणि ७ वर्ष आदर्श मंडळाचा मान मिळवणाऱ्या या मंडळाने एक महत्त्वाचे निर्णयात्मक पाऊल टाकले आहे. नवीन मंडळांना प्रोत्साहन मिळावे या उद्देशाने मंडळाने आता पुढे होऊन कोणत्याही प्रकारचा क्रमांक किंवा पुरस्कार घेण्यास नकार दिला आहे. मंडळाचे म्हणणे आहे की, ‘‘आमचे एकच ध्येय राहील: श्री च्या कृपेने आणि लोकांच्या सहकार्याने नातेपुतेकरांसाठी आणि समाजासाठी उत्कृष्ट समाजकार्य करणे आणि तालुका व जिल्हास्तरीय मध्ये आपल्या नातेपुते नगरीचे व श्री हनुमान मंडळाचे नाव करणे.’’

    मंडळाच्या ७५ व्या अमृत महोत्सवी वर्षात हा जिल्हास्तरीय पुरस्कार मिळाल्याने सर्व कार्यकर्ते अभिमानाने उंचावलेले आहेत.

बातमी

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

संस्थापक : बहुजन राष्ट्रशक्ति सामाजिक संघटना महाराष्ट्र राज्य

                       टीप : जे दिसले, जे पाहिले तेच लिहिले हेच वृत्तपत्राचे ध्येय उद्दीष्ट आहे.