नातेपुते पोलिसांची आदर्श कामगिरी खुनाच्या गुन्हयातील आरोपी १२ तासात जेरबंद

संपादक: साप्ताहिक बहुजन भूषण वृत्तपत्र

नातेपुते पोलिस स्टेशन यांचेकडून मिळालेल्या माहितीनुसार

    नातेपुते पोलीस ठाणे हददीतील मौजे चंद्रपुरी, तांबेवाडी, ता.माळशिरस येथे दिनांक ०८/०५/२०२६ रोजी नातेपुते पोलीस ठाणे गु.र.नं.१८८/२०२६, बी.एन.एस. कलम १०३, ११५(२), ३५२, ३५१(१), ३५१ (३), ३(५) अन्वये दिव्या अतुल गिरे मुळ रा.देवदैठन, ता.श्रीगोंदा, जि.अहिल्यानगर. सध्या रा.चंद्रपुरी, तांबेवाडी यांचे फिर्यादीवरून त्यांचे पती अतुल वसंत गिरे, वय २९ वर्षे, मुळ रा.देवदैठन, ता.श्रीगोंदा, जि.अहिल्यानगर, सध्या रा.चंद्रपुरी, तांबेवाडी यांचा मागील भांडणाचा राग मनात धरून खुन झाल्याची तक्रार दाखल करण्यात आली. त्याबाबत हकीकत खालीलप्रमाणे,

    दिनांक ०७/०५/२०२६ रोजी सायंकाळी ०४/०० वाचे सुमारास फिर्यादी यांचे पती अतुल गिरे व महावरी सुखदेव खोमणे, रा.चंद्रपुरी, तांबेवाडी, ता.माळशिरस यांचेत किरकोळ कारणावरून वादावादी झाली होती. त्यानंतर रात्री ११/२५ वाचे सुमारास अतुल वसंत गिरे, वय २९ वर्षे हे त्यांना ०४/ वाजता मारहाण केल्याचा जाब विचारण्यास महावीर खोमणे याचे घरी गेले असता त्यांचेत वादावादी सुरू झाली. त्यावेळी १) महावीर सुखदेव खोमणे याने लोखंडी कोयत्याने डोक्यात, चेह-यावर, मारून गंभीर जखमी केले. तसेच त्याची आई २) स्वाती सुखदेव खोमणे हिने तिच्या हातीतील लाकडी दांडक्याने हातावर, पायावर, पाठीवर, चेह-यावर, मारहाण करून गंभीर जखमी केले. तसेच ३) रोहित उर्फ चिक्या पोपट खोमणे याने लोखंडी रॉडने हातावर, पायावर व पाठीवर मारून गंभीर जखमी करून जिवे ठार मारले आहे.

    सदर गंभीर गुन्ह्यातील आरोपींना तात्काळ अटक करण्याबाबत मा.अतुल कुलकर्णी साो, पोलीस अधिक्षक, सोलापूर ग्रामीण, मा.प्रितम यावलकर साो, अपर पोलीस अधिक्षक, सोलापूर ग्रामीण, मा.संतोष वाळके सो, उपविभागीय पोलीस अधिकारी सो, अकलुज उपविभाग, अकलुज यांनी सुचीत केले होते. तरी वरिष्ठांच्या मार्गदर्शनाखाली यातील आरोपी यांना गोपणीय माहिती प्राप्त करुन तसेच तांत्रीक विश्लेषनाचे आधारे आरोपींना १२ तासांचे आत तावशी, ता.इंदापुर, पुणे येथुन ताब्यात घेण्यात आले. सदरची कामगिरी स.पो.नि.विशाल वायकर, म.पो.स.ई. सोनल मोरे, स.पो.फौ.रविंद्र गायकवाड, पो.हे.का./१६३६, जावेद जमादार, पा.हे.कॉ./१७६५, सुभाष गोरे, पो.हे.कॉ./५११, धनाजी शेळके, पो.ना./५५९, अमोल वाघमोडे, पो.कॉ./५३२, रणजित मदने, पो.कॉ./२०७६, सोमनाथ मोहिते, म.पो.कॉ./१२४५, नेहा बोंदर, पो.कॉ./०६, अमोल देशमुख, पो.कॉ./७३०, सुधिर हांगे, तसेच चा.पो.हे.कॉ./२१६, जावेद आतार व चा.पो.का./ १९, वारे, चा.पो.कॉ./४६, राहुल वाघमोडे यांचे पथकाने केली आरोपींना अटक करण्यात आली आहे. सदर गुन्हयातील तांबेवाडी गावचे पोलीस पाटील चांगदेव देवकर यांनीही मदत केली आहे. सदर गुन्हयाचा पुढील तपास सपोनि वायकर सो हे करीत आहेत. 

बातमी

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

संस्थापक : बहुजन राष्ट्रशक्ति सामाजिक संघटना महाराष्ट्र राज्य

                       टीप : जे दिसले, जे पाहिले तेच लिहिले हेच वृत्तपत्राचे ध्येय उद्दीष्ट आहे.