नातेपुते पोलिसांची आदर्श कामगिरी

संपादक: साप्ताहिक बहुजन भूषण वृत्तपत्र

नातेपुते पोलिस स्टेशन यांचेकडून मिळालेल्या माहितीनुसार

सोलापूर ग्रामीण पोलीस दलाच्यावतीने राबविण्यात येत असलेल्या गहाळ मोबाईल शोध मोहिमे अंतर्गत नातेपुते पोलीस ठाण्याने तांत्रिक तपासाद्वारे ३ लाख रुपये किमतीचे एकूण 14 मोबाईल संच हस्तगत केले आहेत. हे सर्व मोबाईल आज संबंधित मूळ मालकांना बोलावून त्यांच्या स्वाधीन करण्यात आले.

नातेपुते पोलीस ठाणे हद्दीत मोबाईल गहाळ झाल्याबाबत प्राप्त तक्रारींच्या अनुषंगाने तपासाला गती देण्यात आली होती. पोलीस अधीक्षक अतुल कुलकर्णी, अप्पर पोलीस अधीक्षक आणि उपविभागीय पोलीस अधिकारी अकलुज यांच्या मार्गदर्शनाखाली सहायक पोलीस निरीक्षक विशाल वायकर, पोना/562 लोहार, पोना/559 वाघमोडे, पोकॉ/532 मदने, पोकॉ/362 शिंदे यांनी तांत्रीक विश्लेषणाचा वापर करून या मोबाईलचा मार्ग काढला. हस्तगत करण्यात आलेला 3,00,000/-रुपयांचा मुद्देमाल (14 मोबाईल) कायदेशीर प्रक्रिया पूर्ण करून मूळ मालकांना परत करण्यात आला आहे.

ही यशस्वी कामगिरी मा.पोलीस अधीक्षक सोलापूर ग्रामीण, मा.अप्पर पोलीस अधीक्षक सोलापूर ग्रामीण आणि मा.उपविभागीय पोलीस अधिकारी यांच्या मार्गदर्शनाखाली सपोनि विशाल वायकर, मपोसई/सोनल मोरे, पोना/562 लोहार, पोना/559 वाघमोडे, पो. कॉ. मदने पोकॉ/362 शिंदे व नातेपुते पोलीस ठाणेकडील अंमलदारांच्या पथकाने केली आहे.

नागरिकांनी आपले मोबाईल गहाळ झाल्यास त्वरित पोलिसांशी संपर्क साधावा, असे आवाहन नातेपुते पोलीस ठाण्याच्या वतीने करण्यात येत आहे.

बातमी

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

संस्थापक : बहुजन राष्ट्रशक्ति सामाजिक संघटना महाराष्ट्र राज्य

                       टीप : जे दिसले, जे पाहिले तेच लिहिले हेच वृत्तपत्राचे ध्येय उद्दीष्ट आहे.