गणेशोत्सवात डीजे बंदी बाबत जिल्हाधिकारी सोलापूर यांचे आदेश

उपसंपादक: वैभव आठवले साप्ताहिक बहुजन भूषण वृत्तपत्र 

    ज्या अर्थी, दि. 27/08/2025 ते दि. 06/09/2025 रोजीच्या कालावधीत सोलापूर जिल्ह्यामध्ये गणेश उत्सव हा सण पारंपारिक पध्दतीने व मोठ्या उत्साहाने साजरा केला जाणार आहे. सार्वजनिक गणेश उत्सव मंडळाकडून मोठ्या प्रमाणात मिरवणुकांचे आयोजन केले जाते. सदर मिरवणुकीमध्ये गणेश उत्सव मंडळाकडून डॉल्बी सिस्टीम व लेझर लाईटचा मोठ्या प्रमाणात वापर होण्याची शक्यता आहे. मागील वर्षी गणेश मुर्ती आगमन मिरवणुकीवेळी मिरवणुक बघण्याकरीता आलेल्या भाविकांना डॉल्बी सिस्टीममुळे काही व्यक्तींना कानाचा व छातीचा त्रास होऊन कायमचे अपंगत्व अथवा जिवितास धोका निर्माण झाल्याची प्रकरणे निदर्शनास आलेली आहे. तसेच लेझर लाईट डोळयावर पडल्यामुळे मुख्यत्वे वयोवृद्ध व लहान मुलांच्या डोळयाच्या पडद्याला तसेच बुबळाला इजा झालेल्या घटना घडलेल्या आहेत. याबाबत जेष्ठ नागरिक संघटनांनी त्यांना व इतर नागरिकांना डॉल्बी सिस्टीम व लेझर लाईटच्या जिवितास धोका तसेच इतर शारिरिक दुष्परीणाम होत असल्याचे निवेदन या कार्यालयाकडे सादर केले आहे.

ज्या अर्थी, गणेश उत्सव कालावधीत गणेश मूर्ती आगमन, गणेश मूर्ती विसर्जन मिरवणूक दरम्यान डॉल्बी सिस्टिममुळे काही व्यक्तींना कानाचा व छातीचा त्रास होऊन कायमचे अपंगत्व अथवा जिवितास धोका निर्माण झाल्याची प्रकरणे निदर्शनास आलेली आहे. तसेच लेझर लाईट डोळयावर पडल्यामुळे मुख्यत्त्वे वयोवृध्द व लहान मुलांच्या डोळयाच्या पडद्याला तसेच बूबळाला इजा झालेल्या घटना घडण्याची शक्यता नाकारता येत नाही. याबाबत उपविभागीय अधिकारी, सोलापुर क्रमांक-१ यांनी त्यांचे दिनांक २७/०८/२०२५ रोजीच्या पत्रान्वये अहवाल सादर केला आहे.

तसेच ज्या अर्थी, सोलापूर जिल्हयात दि.27/08/2025 ते दि.06/09/2025 रोजी या कालावधीत सोलापूर जिल्ह्यामध्ये गणेश उत्सव सण मोठ्या उत्साहाने साजरा केला जातो. तसेच सार्वजनिक गणेश मंडळाकडून मोठ्या प्रमाणात मिरवणुकांचे आयोजन केले जाते. सदर मिरवणुकीमध्ये गणेश मंडळ हे डॉल्बी सिस्टीम व लेझर लाईटचा वापर मोठ्या प्रमाणात करीत आहेत. त्यामुळे मिरवणुकीमध्ये डॉल्बी व लेझर लाईट वापरात प्रतिबंध करणे आवश्यक आहे. याबाबत भारतीय नागरिक सुरक्षा संहिता 2023 चे कलम 163 (1) मध्ये जेथे जिल्हादंडाधिका-याच्या मते या कलमाखाली कार्यवाही करण्यास पुरेसे कारण असेल आणि तात्काळ प्रतिबंध करणे किंवा सत्वर उपाययोजना इष्ट असेल त्या प्रकरणी, एखादया व्यक्तीला विवक्षित कृती करण्यापासून परावृत्त राहण्याचा अथवा मानवी जीविताला, आरोग्याला किंवा सुरक्षिततेला संकट उत्पन्न होण्याचा संभव आहे, असे अशा दंडाधिका-याला वाटले तर, असा दंडाधिकारी त्या प्रकरणाच्या महत्त्वाच्या तथ्यांचे निवेदन अंतर्भूत असलेला एक लेखी आदेश काढून निदेश देवू शकेल, अशी तरतूद नमूद आहे.

त्यामुळे सोलापूर जिल्ह्यामध्ये दि.27/08/2025 ते दि. 06/09/2025 रोजी या कालावधीत सार्वजनिक गणेश मंडळाकडून मोठ्या प्रमाणात मिरवणुकांचे आयोजन केले जाते. सदर मिरवणुकीमध्ये गणेश मंडळ हे डॉल्बी सिस्टिम व लेझर लाईटचा वापर मोठ्या प्रमाणात करीत आहेत. त्यामुळे मिरवणुकीमध्ये डॉल्बी सिस्टीम व लेझर लाईटच्या वापरास प्रतिबंध करणे आवश्यक असलेने भारतीय नागरिक सुरक्षा संहिता 2023 चे कलम 163 (1) मध्ये नमुद तरतुदीच्या अनुषंगाने सदरचे कलम लागू करणे आवश्यक आहे, अशी माझी खात्री झाली आहे.

त्या अर्थी, मी कुमार आशीर्वाद, जिल्हादंडाधिकारी, सोलापुर भारतीय नागरिक सुरक्षा संहिता 2023 चे कलम 163 (1) अन्यये, मला प्राप्त अधिकारास अनुसरून मी असा आदेश देतो की, दि.27/08/2025 ते दि 06/09/2025 रोजी पर्यंत या कालावधीत सोलापूर जिल्ह्यामध्ये सार्वजनिक गणेश उत्सव मंडळाकडून आयोजित मिरवणूकीमध्ये डॉल्बी सिस्टीम व लेझर लाईटचा शो/वापर करणेस भारतीय नागरिक सुरक्षा संहिता 2023 चे कलम 163 (1) मध्ये नमूद केलेनुसार प्रतिबंध करीत आहे.

वरील बाबीस या आदेशाव्दारे प्रतिबंध घालणेत येत असलेने या आदेशाचे उल्लंघन करणाऱ्या व्यक्ती फौजदारी कारवाईस पात्र राहतील असे जिल्हादंडाधिकारी साहेब, सोलापूर यांनी सांगितले आहे.

बातमी

अधिक जाहिरातीसाठी संपर्क

संपादक : मा.श्री. डॉ. अभिमन्यु बी. आठवले

९४२०३०२५६१

उपसंपादक : वैभव अ. आठवले

साप्ताहिक बहुजन भूषण, साप्ताहिक बहुजन मित्र वृत्तपत्र

संस्थापक : बहुजन राष्ट्रशक्ति सामाजिक संघटना महाराष्ट्र राज्य

                       टीप : जे दिसले, जे पाहिले तेच लिहिले हेच वृत्तपत्राचे ध्येय उद्दीष्ट आहे.